Aizawl | Jan 7, 2024: South Tuipui bialtu MLA Pu Jeje Lalpekhlua chuan Inrinni tlai khan Power & Electricity Department in Hnahthial-a 132kV Sub Station an dahna hmun tur a enfiah a, bialtu MLA hi P&E thawktute, khawtlang hruaitu thenkhat leh Hnahthial Thalai Pawl hruaituten an tawiawm a ni.
Hnahthiala 132kV Sub Station bunna hmun tur hi Mauthimpui hmunah niin a ram hi Thiltlang ram a ni a, P&E Department lamin Land Lease nei tawh mahse Forest Department lamin teak plantation an neihna hmun a nih avangin kut an thlak lawk thei lova, bialtu MLA Pu Jejea hian Forest Minister hmu in hmalak tan a ni theih thu Forest Minister hian a lo hrilh a, hei hi a hmuah ngei enfiah a duh avanga enfiah a nih thu sawiin, P&E lam pawh hna tan nghal turin a chah a ni.
Hnahthiala 132kV Sub Station din turah hian Haulawng lam atangin tower ban in Electric Power hi lakluh a ni dawn a, kum hnih chhunga siam tur niin, siam zawh a nih hunah chuan Hnahthial Sub Division in a chawm khaw hrang hrang ten Power Supply an dawng tha tawh ang.
.
Post a Comment
He post chungchanga i ngaihdan lo sawi ve rawh: