FEATURE | Govt Aizawl West College Miss 2021 Sangpuii Sailo




Govt Aizawl West College Miss 2021 Sangpuii Sailo kan belchiang!


Govt Aizawl West College Miss 2021 Sangpuii Sailo hi a laiah hming chu Liansangpuii Sailo a ni a, Lily Mary leh Lalhmingmawia Sailo te inkarah 12th November , 2001 khan a lo piang a. Hmunpui khua niin, tunah hian zirna avangin Chanmari West-ah a khawsa a, Isua krista kohhran a lawi an ni.


Sangpuii Sailo te hi unau pali an nia mipa pakhat leh hmeichhia pathum niin, ani hi a upa ber dawttu a ni.

Sangpuii Sailo hi ft 5'4 a sang niin, a pian a zen nalh hle.


EXPLOREMIZORAM.COM zawhna i lo thlir ang
Zirna lam:  class 10 hi kan khua Hmunpui High school ah 2016 ah ka pass a, Class 12 hi Govt' KM higher secondary school ah 2019 ah ka pass a, Tun ah hian GAWC ah Economics department ah ka awm a 6th semester tur chiah ka ni.


Hobby: Dance


I duhzawng leh ngainat zawng hrang hrangte?
Lehkhabu duh: lehkha but duh em+ ka nei lo Bible ka chhiar bak hi chu ka chhiar hman meuh lo.
Actor/Actress: Hyeri
Zaithiam: BTS, Blackpink, Selena Gomez
Chawhmeh: Artui
Hla : Life goes on 
Hmun: mahni in (home) 
Rawng: A dum 
Ziaktu: Lalnunpuia hrahsel


Mize ngainat zawng: Hlim hmel pu reng thei, rilru zau, mi hriatthiamna ngah tak mi leh Pathian tih mi. 

Mize ngainat loh zawng: Chapo leh mi te bak+ a over,mi huat tur zawng sawi hrat tak, lerh leh ruihhlo ngaina.



Kawppui tura duhzawng? 
 kawppui tur chuan inghahna tlak min chawm thei ngei tur, Pathian tih mi, ruihtheihthil lak a fihlim, leh Ka nu leh Pa te min zah sak thiam tak leh ka thil tihna a piang a min tawiawm tha em+ thei tur

Relationship status: Single


Aim in life: Designer

College Lady/Miss thlanna a tel chhan?
- Tel chhan em em pawh ka nei lo, kan house leader ten min rawn sawm a, ka tel ve tawp a chu chu ni deuh mai. 

College Lady/Miss nih hi i inring reng em?
- Ring lo. kei ai a tha leh zei tak tak an tam em a.


College Lady/Miss in i nuna nghawng a neih?
- Collage lady nih hian inrintawkna nasa tak min neih tir a, ka nun ka uluk phah in ka nun ah a tha zawngin nghawng a nei thui khawp mai. 


Modelling lam hi i tui reng em?
- Tui em em hran lo.


Zawhna dang:::
1. A tel lova i awm theih loh: Ka thil tih engkim a min buaipui em+ thin Tu ka chhungte. 

2. I nun kaihruaitu: Bible leh , ka nu leh ka pa te. 
3. Hringnuna i hlauh ber: Pathian mi hriat nih loh

4. I tih ngai miah loh tur: ruihtheihthil

5. Mizo Tualzal nuna ṭha i tih:kan pi leh pute nun ze mawi tak kan chhawm nun zel tlawmngaihna leh ai a upa zah te , leh naupang leh hmeichhia te zalen tak a kan leng thei hi mizo tualzal nun ah chuan a tha ka ti khawp mai. 


6.  Quote i duh ber: Fear not for God is with you 

7. Mizoram leh Mizo tualzal nuna Mizo hmeichhiate dinhmun:
- Mizo hmeichhia te kan vannei a hnam dang ang lo tak in mipa leh hmeichhia angkhat vek in kan leng a, mipa te tih ang tih ve thei a kan awm hi kan vannei ka ti a tha ka ti khawp mai. 

8. Hnam hmingṭhat leh hmingchhiat kawngah Hmeichhiate'n mawhphurhna:
- Khawiah pawh kal i la Mizo hmeichhia te kan nungchang kan hawi her kan fimkhur a , hnamdang zingah pawh kan hnam nunmawi chhawm nun zel a pawimawh mai bak ah, Mizo kan nih chuan Kristian kan nih na hi a lang tur a ni a, mi in kan nun ah zonun zemawi an hmuh chuan kan hnam kan chawisang deih thei a ni.


9. Hnam ziarang chawinun kawnga Hmeichhiate mawhphurna:
- Thil engkim kan inzir chhoh na chu inchhungkhur atang vek in a ni a, hnam ziarang chawinun kawng ah pawh inchhung atanga kan zir a pawimawh hle, kan hnam tawng ngei inzirtir uar ila, tlawmngaihna te , ai upa zah te inzirtir na kawngah inchhung khur enkawl Tu nu leh hmeichhia kan pawimawh hle a ni. 

10. Mizote tan 'Fa neih tlem' inzirtir hi a ṭulin i hria em?
- A then ah chuan a tul na lai a awm thei ang chu, Va hmuhsit lam ni lo se rethei ve tak+ in fa tam tak an nei a an enkawl tha zo leh thin si lo a, fanau te hi an hlu a amaherawhchu; mahni hnathawh mil a neih thiam hi kan inzirtir a tul in ka hria.

11. Mizo hnam ṭhanmawh bawk nia i hriat? 
- Thalai te mahni nih tum tum tlang ngamlo tur a sawiselna thu tam tak kan lo chhak chhuak thin a dawihzep na an nun a kan tuh thin hi kan thanmawh bawk ni in ka hria. 

12. Mizo hnam damna atana  kawng awm nia i hriatte?
- Mizo hnam dam nan chuan Pathian hma a inlamlet theuh kan mamawh a, kan zoram ah hian hnehna puan zar kan zar a tul a ni.


13. Hnam chhan nana Hmeichhiate ṭangkaina leh mawhphurna?
- Hnamchhan nan hian Mizo hmeichhia ten mawhphurhna kan nei lian hle a, kan hnam a lo than chhoh zel nan a theih hram chuan mizo ngei pasal a tan a neih hi kan tih tur ni in ka hria. 

14. Zirna, Khawtlang leh Kohhran hi?
- Khawtlang leh Kohhran a in hman hi mipuitling a min chher Tu a ni a, khawtlang leh kohhran a inhmang tak chu zirna lamah pawh an ti thei fu thin, amaherawhchu; zirlai kan nih chuan kan zirna ti buai  theilo tur tawk a kan inhman thiam a pawimawh. 

15. Khawtlang, Kohhran leh nangmah:
- Ka zirna avangin tlanghran ah ka awm a ngai a duh angin khawtlang leh kohhran ah ka inhmang hman meuhlo a, ka phak ang tawk chuan ka inhmang ve thin. 


16. Social Media leh Nangmah:
- Kei chu dancer ka nih avangin social media hi ka hmang tangkai a ka tan chuan platform tha tak a ni in ka hria. 

17. Mizoram ṭhalai tam tak tlakchham:
- Mizo thalai tam tak chuan taimakna, tumruhna leh huaisenna kan tlachham in ka hria.


18. Mizo ṭhalaite hian ngaihsan tur dik an ngaisangin i hria em?
- Ngaihsan tur dik tih chuan mihring kan inanglo a, kan tuizawng leh duh zawng a zir in ngaihsan zawng pawh a dang thei hle ang, kan ngaihsan zawng te hi kan nih tum nih theihnan a min hruai Tu atan kan hman thiam chuan ngaihsan tur dik a ni mai. 

19. Ngaihsan tur dik nia i hriat:
- Midik leh huaisen, tumruh tak leh mahni nih tum ni ngei thei tur a min hruai thei tur hi a ni. 

20. Hlawhtlinna tura pawimawh: Hlawhtling tur chuan taimak leh dawhtheih hi a pawimawh in ka hria. 


21. hloh i hlauh ber: Ka chhungte leh ka thiante. 

22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat? 
Mizo hnam inpumkhatna hi a thlen theih ka ring a, chumi tur chuan mizo hnahthlak hnam hrang hrang te a chi bil hnam bil a in la hranglo in , hnam unau chhulkhatkual kan nih zia hria in lungrual tak leh inenhranna awmlo in , inhmangaih tawn tak in leng za i la kan hnam kan inpumkhat thei ang. 

23. Hnam dang nupui pasal neih hi :
- Hei hi chu ka sawi tur a awmin ka hre chiahlo a, kan hnam mi ngei neih hi kan hnam tlem te chimral mai a a awm loh nan a kan tih theih ni in ka hria, amaherawhchu; kan hmangaih tak kan tawn bak a hlu a awm lo a, mizo thalai te kan thalai pui teh hnam dang an thlan zawk nachhan te hi ka ngaihtuah chiah a, kan in enfiah a ngai zawk in ka hria. 


24. Nupui pasal neih hmaa mipat hmeichhiatna hman hi:
- Mipat hmeichhiatna hi nupa kar a thleng tur a ni a, kan kristian nun in zirtirna atang pawh in nupui pasal neih hma a mipat hmeichhiatna lo hman hi kan tih loh tawp tur a ni. 

EXPLOREMIZORAM.COM i hmuh dan:
- Explore mizoram hi chhiar a nuam in chhiar a man hla ka ti a, inzarah ka thil hriat loh leh tawn ngailoh  tawn na hun tha tak min siam sak a ka lawm hle a, in kal zel na tur ah duhsakna ka hlan a che u.


















































































Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)





Post a Comment

He post chungchanga i ngaihdan lo sawi ve rawh:

Previous Post Next Post