LADC Executive Member tharte rinawmna tiam tirin lalut

Aizawl | September 20, 2021: Vawiin khan 11th Lai Autonomous District Council (LADC)-a Executive Member atana ruat thar mi pakua (9) chu LADC Hall, Lawngtlaiah Lawngtlai Bawrhsap Dr Andrew H. Vanlaldika chuan rinawmna thu tiamtirin a la lut.


LADC Executive Member tharte lak luh inkhawm hi LADC-a Executive Secretary Pu H. Lalramenga'n a kaihruai a. LIKBK Assembly-a General Secretary Rev. B. Zazawna Lai chuan hunserh hmangin, inkhawm kaihruaitu ES-in sawrkar notification a chhiar chhuah hnuah Lawngtlai DC chuan EM atana ruat thar mi pakua te hi thu tiamtirin a la lut nghal a ni.

LADC-a Mizo National Front (MNF) Legislature Party sawrkar, Chief Executive Member Pu V. Zirsanga kaihhruaia Executive Member atana lak luh takte hi 23-Sekulh bialtu MDC Pu Lallawmsanga Apetow, 25-Vathuampui bialtu MDC Pu C. Rongura, 19-Chawngte 'P' bialtu MDC Pu Andrew Laltlanzara, 10-Lawngtlai Bazar bialtu MDC Pu Lalropuia Chinzah, 9-Bualpui 'NG' East bialtu MDC Pu L. Daniala, 1-Sangau East bialtu MDC Pu BN Thangpuia, 2-Sangau South bialtu MDC Pu JB Vanhoy, 14-Lawngtlai College Veng bialtu MDC Pu C. Hrangthianga leh 18-Diltlang South bialtu MDC Pu HC Lalthawmliana te an ni.

Executive Member tharte lak luh an nih hnu hian Chief Executive Member Pu V. Zirsanga chuan thu sawiin, heti ang hian EM tharte department chan tur a puang nghal a ni:

1. Pu Lallawmsanga Apetow - Rural Development Department; Public Works Department; Animal Husbandry & Veterinary Department.

2. Pu C. Rongura - Local Administration Department; Urban Development & Poverty Alleviation Department; Taxation Department.

3. Pu Andrew Laltlanzara - Education Department (Middle School); Samagra Shiksha (Middle School); Parliamentary Affairs; Co-operation Department.

4. Pu Lalropuia Chinzah - Agriculture Department; Horticulture Department; Sanitation Department; Information & Public Relations Department.

5. Pu L. Daniala - Education Department (Primary School); Samagra Shiksha (Primary School); Law & Judicial Department; Inland Waterways Department.

6. Pu BN Thangpuia - Art & Culture Department; Land Resources, Soil & Water Conservation Department; Transport Department.

7. Pu JB Vanhoy - Social Welfare Department; Disaster Management & Rehabilitation Department; Sericulture Department.

8. Pu C. Hrangthianga - Land Revenue & Settlement Department; Sports & Youth Services Department; Minor Irrigation Department.

9. Pu HC Lalthawmliana - Public Health Engineering Department; Industry Department; Fisheries Development Department.

He'ng bak department la awm General Administration & Control Department; Planning & Programme Implementation Department; Finance & Accounts Department; Environment, Forest & Climate Change Department; Appointment, Posting & Transfer leh EM chanpuala tar lan zinga tel lo subject dang zawng chu Chief Executive Member Pu V. Zirsanga'n a enkawl thung dawn a ni.

Post a Comment

He post chungchanga i ngaihdan lo sawi ve rawh:

Previous Post Next Post