Aizawl | April 23, 2021: Govt. Champhai College Dept. of Geography, I&PR Champhai leh YMA Sazep Branch tangkawpte chuan Zopui tlang sang zawng zirchianna Elevation Survey neiin Champhai District Khawbung RD Block huamchhung Myanmar ramri depa awm, Zopui Tlang sang lai ber Sazep ram chhunga mi chu lawn chhuakin an teh.
Tlang san zawng tehna Garmin GPS Etrex hmangin Zopui Tlang sangna lai bera ngaih Latitude 23°N 15' 54" leh Longitude 93° E 19'41" chu chawhnu 1:05 khan teh niin feet 6,462 a sang ni a chhinchhiah a ni.
Govt. Champhai College hian March Ni 30, 2021 khan Champhai District Khawbung RD Block huamchhung Myanmar ramri depa awm tho Lurh Tlang chu tehin feet 6,295 niin an chhinchhiah a ni.
Geography Department, Govt. Champhai College chuan heng an zirchiannate hi uluk taka chhinchhiahin IQAC atan report an siam dawn a ni.
H elevation Survey neihnaah hian Champhai DIPRO Dr Lallawmkima, Govt. Champhai College principal P Lalhmingliana, Geography Department atangin HoD Pu L.Khuma Varte, Pu Zirnghakngura, Asst. Professor, Zirlaite, I&PR thawktute leh Sazep YMA hotute an tel a ni.
Post a Comment
He post chungchanga i ngaihdan lo sawi ve rawh: