PM in Jaipur a Patrika Gate a hawng a; Samvad Upanishad leh Akshvatra lehkhabu a tlangzarh bawk

India ram Institution te hian khawvel huap literary awards an buatsaih a tul a ni: PM

Khawtlang leh ram tana a tha zawk a thawk tur hian journalist nih kher a ngai lova, mimal ang pawhin a tih theih a ni:  PM

Upanishads chungchang hriatna leh Vedas zirchianna hi sakhaw lam   vang chauh nilovin science thlirna atan pawh a tha a ni: PM

Sept 8, 2020: Prime Minister Pu Narendra Modi chuan Jaipur a Patrika Gate chu video conference kaltlangin a hawng a.  PM hian Patrika Group Chairman Pu Gulab  Kothari a lehkhabu ziah Samvad Upanishad leh Akshyatra te a tlangzarh bawk a ni.

He hunah hian thusawiin Prime Minister chuan he Gate hi Rajasthan culture pholangtu a ni a,  ramchhung leh rampawn atangin khualzin mite nasa takin a hip dawn a ni a ti.

Lehkhabu a tlangzarh pahnih chungchang sawiin Prime Minister chuan Indian culture philosophy pholangtu an ni a,  ziak mite hi khawtlang leh ram mipuite zirtir kawngah hna ropui tak thawktute an ni a ti.

Prime Minister chuan zalenna sualtu zing a phanchang zawkte khan thuziak mi vek an ni a,  an thuziah hmangin mipuite an kaihruai thin a ni a ti.

Patrika Group chu Indian culture, Indian civilization leh nunphungte vawnhim leh vawnnun kawng a an hmalakna avangin a fak a. 

Prime Minister chuan Patrika Group dintu Pu Karpoor Chandra Kulish chu Journalism tana a hnathawh avanga fakin ram leh khawtlang hnena Vedas hriatna thehdarh kawng a a hmalakna pawh a fak bawk a ni.

Pu Kulish-a chanchin leh an hunlai sawiin Prime Minister chuan journalist-te chuan a eng zawng a thlir chungin hna an thawk tur a ni a ti a.  Khawtlang leh ram tana a awmze neia hma kan lak theihna atan mi zawng zawng hian a eng zawng a thil thlir chungin hna kan thawk tur a ni a ti bawk.

Lehkhabu a tlangzarh pahnih chungchang sawiin Prime Minister chuan Vedas zirtirnate hi zirtirna tha chuai theilo an ni a,  mihring zawng zawngte tana tha leh tangkai a ni a ti a.  Upanishad Samvad leh Akshyatra-te chu mi tam tak chhiar atan a duh thu pawh a sawi a ni.

Prime Minister chuan kan rama thangtharte hian hriatna thuk leh ril an pensanloh hi a pawimawh a ni tih thusawiin Vedas leh Upanishads te chu sakhaw lam inzirtirna mai nilovin science lam thiamna kaihhnawih hriatna pawh a ni tel a ni a ti.

PM chuan natna hrang hrang laka miretheite venhimna atan ekin/inthiarna sak sak leh Swachh Bharat Abhiyan kalpui a pawimawh thu a sawiin meikhu laka nu leh farnute venhimna atana Ujjwala scheme kalpui a pawimawh bakah in tina tui pipe hmang a tui pek luhna atana Jal Jeevan mission kalpui pawh a pawimawh thu a sawi a ni.

Mipuite tana nasa taka rawngbawl hna an thawh avang leh Corona chungchang awareness siam kawnga an hmalakna avangin Indian media chu fakin Prime Minister chuan ground level a sorkar hmalakna thehdarhin a felhlel laite an hailang thin a ni a ti.

PM chuan "Atmanirbhar Bharat" campaign atan Media in kalphung mumal a siam chu lawmawm a tih thusawiin "vocal for the local" uar takin an thehdarh a.  He ruahmanna hi zau zawk a la kalpui chhunzawm a ngai a ni a ti a.  India tualchhung a siamchhuahte chu khawvel ramdangah thawnchhuah mek annih thu a sawi rualin India aw ka pawh khawvelah nasa leh zual zawk a a rikchhuah a ngai a ni a ti.

Tunah chuan khawvelin uluk zawk a India thu leh hla ngaithlain a benkhawn thusawiin hetiang dinhmunah hian Indian media pawhin khawvel ram zau zawk a thlen phak a ngai a ni a ti a.  Indian Institution te chuan khawvel huap literary awards dang an buatsaih pawh a tul a ni a ti.

PM chuan Patrika group in Pu Karpoor Chandra Kulish chawimawina atan a International Journalism Award an buatsaih thei chu a lawmpui thu a sawi bawk a ni.

- PIB Aizawl