Speed breaker enfiah; phalna tel lova speed breaker dah lo turin mipui ngen

Aizawl | February 4, 2020: Transport Department Commissioner & Secretary leh Department hrang hrang a Traffic Police, AMC leh PWD meeting-in Aizawl khawpui hmun hrang hranga Speed breaker te a hmuna enfiah tura a lo rel angin vawiin khan thuneituten an enfiah.


Khawpui chhunga hmun tam zawka speed breaker te hi NGO, Kohhran leh mimal ngenna anga PWD - in a siam a ni. Heng speed breaker te hian traffic jam nasa tak a belhchhah bakah accident tam tak a thlen phah thu sawiho a ni. Chuvangin tuna speed breaker siam tawh zawng zawngte a hmunah enfiah a ni a, thiah ngai leh siam danglama ngaite enfiahin Road sign dahna tur hmun enfiah nghal a ni bawk.

He meeting hian tun hnu zela speed breaker dahna tur reng rengah fiber safety speed breaker chauh hman tawh ni se tiin a lo rel tawh bawk a. He committee phalna leh hriatpuina tel lova Aizawl khawlai ah speed breaker dah tawh lo turin mipuite an ngen a ni.

•• Website a Fakna lo lang i click apiang khan Explore Mizoram kal zelna atan tha i thawh ve a ni. ••


•• Post hi link nen i lo share ve zel dawn nia. ••

Post a Comment

1 Comments

He post chungchanga i ngaihdan lo sawi ve rawh: