Zirlai 20 hnenah GI GMotors Scholarship cheng 2,40,000 IPR minister Lalruatkima'n hlan

Aizawl | August 13, 2019: Vawiin khan I&PR Minister Pu Lalruatkima’n GIG Motors Scholarship chu MZP Pisa pui, Aizawl ah a sem. 

Pu Lalruatkima, Minister I&PR Department chuan zirlai kalkhawm te chu bul tan tir an nih thu leh, Mizo mipuiten an entawna an thlir reng te an nih avangin thawhrimna nena an hma lam hun pan turin a chah a. Mi hmantlak ni tura fuih, HSLC exam a top 10 a lang chin te chu Mizo hnam din chhuah na tur atana  mawhphurtute an ni a ti. I&PR Minister hian chapo lova, Pathian in talent a pek te tipung zel turin a chah a,  'chapo lo tur' leh 'hlawhchham thiang lo' an nih thu sawiin HSLC exam hnuhnung bera zirlai tiṭha bik 20 a fuih.

GIG Motors Scholarship a vawi khatna atan kumin a HSLC exam-a top 10 chin zirlai 20 te hnenah hlan a ni a, zirlai pakhatin kum khat atan Rs 12000/- zel an dawng  a ni. A vaiin vawiin hian Rs 2,40,000 sem a ni.  He scholarship atana pawisa te hi GIG Motors in a tum a ni a, MZP te nen hemi kawngah hian an thawk dun a ni.

2018-2019 session Mizoram High School Leaving Certificate examination top 10 chin hnenah pek a ni. Thla 12 huamin zirlai pakhatin thla khatah Rs 1,000 zel an dawng a, a hlawmin Rs 12,000 pek nghal vek an ni thung.

MZP leh 3:16 Plan Solution buatsaih scholarship sem inkhawm hi MZP President Pu L Ramdinliana Renthlei chuan kaihruaiin MZP Adviser Revd Chuauthuama'n hunserh a hmang.

HSLC 2019 SCHOLARSHIP DAWNGTUTE - 20 :

Lalrinnungi - 1st position

Angeline Lalpekhlui - 2nd position

F Remsangpuia - 3rd position

Lalengzauva - 4th position

K Lalbiaksangi - 5th position

Samuel Lalremruata - 5th position

C Zoliansangi - 6th position

Ruthi Lalngilneii - 7th position

Ruth Lalruatfeli - 7th position

Esther Lalrinkimi - 7th position

Malsawmtluanga - 7th position

Jacob Lalhmangaihsanga - 7th position

S Zonuntluangi - 7th position

Vanlalpeksanga - 8th position

Christina Vanzarliani - 9th position

Sarah Lalhmingmawii - 9th position

Ramngaihsangi - 10th position

R Lalrinmawii - 10th position

Estella Zothanpuii - 10th position

CL Kimtei - 10th position

3:16 PLAN SOLUTION LEH MIPUI RAWNGBAWLNA

* Kum 2008 khan Pu John Lalpeka'n 3:16 Plan Solution sumdawnna a din a, mipui vantlang leh sorkar tana ṭangkai ni turin kawng hrang hrangah hmalakna a kalpui.

* 3:16 Plan Solution hnuaiah hian sumdawnna peng pasarih - GIG Motors (Mizoram Maruti-Suzuki car dealer), NEXA (Maruti-Suzuki Premium car dealer), Jio mobile network (Mizoram distributor), Samsung Home Appliances (Mizoram distributor), Samsung Servicing Station, Planet Fashion leh Van Heusen clothing a awm a, ṭhalai mi 155-in hna thawkin eizawn nan an hmang a, Mizo deuh vek an ni.

* Zirlai tana scholarship a sem chhuah vawi khatna a ni a. Mizoram zirna chawisang tur leh Central Service-a Mizo ṭhalai an luh tam deuh deuh nan sorkar, zirlai pawl leh tlawmngai pawlte hmalakna leh ṭhahnemngaihna a thlawp a ni tih a lantirna niin, a ṭul ang zelin scholarship sem chhuah zui zel a tum.

* Sorkarah chhiah ṭhahnem tham a chhun luh bakah sorkar ṭanpui nan Chief Minister Relief Fund-ah sum a pe ṭhin bawk. 2015 Bairabi YMA General Conference denchhena sorkarin Swatch Bharat Mission beihpui a thlak nan sum thawhtu a ni.

* May 11, 2013 khan Laipuitlang, Aizawlah leimin nasa tak avangin Mizoramin chhiatna rapthlak a tuar a. Chhiat tawk chhungkaw 14 hnenah television, refrigerator leh washing machine a pe.

* Infiamna lama Mizo ṭhalaite hmasawn nan - Mizoram Premier League (football), LPS Pro Fight (boxing), Pro Volleyball League, Mizioram Super League (basketball) leh Taekwondo Fight League-ah sum thawhtu ṭangkai ni tawhin a ni mek bawk.