ELDORADO

                                    - ✍🏻 Vidpuia Hrahsel

Mizo hla lar tak, a sa lar tu Pi.C.Lalhmingmawii  in a sak thiam bawk si. He hla phuah tu  fam ta Bda tia hriat lar Eldorado tih thupui hmang hian thuziah a lang tlat mai.He hla hi ka naupan lai atangin nalh ka ti em a, tun thleng hian ka la ngaithla kham theilo.Eldorado tih hi J.F. Dictionary a inziah dan chuan 'Spanish ram thar zawngtute'n America ram a rangkachak luanna ram an zawn, rang mangkhenga hausak theihna hmun tiin a sawi. He hla Eldorado hian a sawi tum ber chu Eldorado chu an mang ram mai mai nimahse, Eldorado chu hausakna hmun tur ram nuam tak emaw anih avangin khang hunlai ami te khan Eldorado an thlahlel in an ngai thin ni ngei tur ani. Eldorado tih awmzia lam ai mahin tun tum chu a phuahtu nun khawhar tur zia leh hnemtu angaih zia lam ziah ka tum lo, he hla avanga in ngaihbel emaw, he hla hi keima tan liau liau a, a phuah tih na rilru pu tu te tan kan thaikawi ang e. 

Mihring hi Pathian hmangaihna avanga piang kan ni a, hmangaihna hi hrilhfiah dawn ila, kei aia hrilhfiah thiam an tam ang.Hmangaihna chu miin a mihringpui a thinlung zawng zawnga a pek na, engkim chan tur a, a inhuamna tiin kan hrilhfiah ang e. Tunlai thalai inngaizawng te erawh hi chu, kan inhmangaihna emaw kan tih hi mihring induhna vang mai mai hi ani thin a, reilo te kan induhna avangin a hmingin kan 'ni' a, kan inban leh mai thin. Thiantha tak ni tur kha inngaihzawn hnu a, inthen avangin thian ah kan insiam thei tawh lo fo thin. Pathian Hmangaihna lak ah chuan kan in hmangaih na hi a dai hle.Mihring Hmangaihna hi chu hmangaih nei theuh theuh, kan inhmangaih dan in ang lo tak, hmangaih thlei bik nei, hmangaih duhsak bik nei, a hming chauh a mi hmangaih hi tam tak an awm ngei ang.

Ngaihzawng te nen a inthen avangin, mi tam tak chuan kan nun kan hman dan a hma aia khawhar riau a in hriatna te kan nei thin, hmangaihtu nei emaw in ti khan inthen avangin hmangaihtu dik ka tawng lo, ka nun a chau, kan ti fo. Mal riau a inhriat avanga in dawmkun mai te, a hma a, nun pangngai tak a hmang kha, ngaihzawng neih avanga thian te thlahthlam ringawt te, ngaihzawng neih avang a, inhmu tha riau, a nei lo te hnen a ngaihzawng neih avanga intithei bik riau te hi, inthen hnu a, hrehawm ti ber ber, ngaihsaktu neilo ang hial a in ngaihna rau hi an nei tlat zuk nia! 

Heng ka sawi tak atanga, in ngaihbel te tan a ni, tun a ka ziah hi an tan liau liau a, ka thiam ang tawk a, ka rawn ziah chu! Hmangaih nei emaw in ti khan vawi lehkhat ah then na biahthu in hlan avanga nun khawhar tak a hmang mek khan he hla 'Eldorado'  hmang hian i khawharna chu lo hnem ta che. Kan sual lai ber pawh a, min hmangaihtu, min phatsan ve ngailo tu thian tha Isua i nei, i ngaihzawng in a then vang che khan, nun khawhar tak in i hmang mai maw, hnemtu i ngaih lai ber pawh a, nangmah hmangaiha, endawng ngai lo tu che Lalpa Isua a awm e. 

Lal Isua hmangaihna chuan a hnar ngai lo ang che a, i beidawnna ata a chhanchhuak ang che, khawvel hmangaihna partlan a, hlim tak a awm tur a i inngaih hnu a, i tihsual vang a, khawvel hrehawm tak a i hmang tur hi Lal Isua chuan a phal lo asin, inngaihzawn avanga midang kan inkarah inrawlh kan phal lo thin, mahse englai pawh a min hmangaihtu, kan thatna duh tu leh hmangaihtu dik Isua Krista hi kan inngaihzawnna kawngah hian inrawlh ve rawh se. Isua nen a hmangaih tak a, hmangaihna par kan tlan ho chuan kan inthen mai mai lovang. A ni chu Remna leh thlamuanna; a lai ah Isua a awm tlat dawn si a.

He hla mawi tak 'Eldorado' hla hi i tan ka hlan e:-

Phuahtu: BD-a

Satu: C. Lalhmingmawii

Aw ka nun khawhar chau tak hian,

Hmangaihtu a ngai thin a;

Aw ka nunna hian Lalpa a ngai a ni.

I tello chuan nun a kim lo,

Ka zinkawng khawhar ah hian;

An sawi nin loh ramnuam El Dorado,

An ngai thin ang hian,

Lalpa ka ngai em che.

Aw ka nun chau rethei tak hian,

Hnemtu a ngai a ni;

Aw ka hringnun hian Lalpa a ngai a ni.

Hmangaihtu tawnglo nun khawhar,

Kei misual leh rethei tan hian;

Aw lo eng ang che ka nun khawhar ah hian.