"Laina induhsakna tih bo nan Integrity Pact siam niin, sorkar hnathawh tinreng viltu tur Project Monitoring Committee din a ni," - CM Lalduhoma

byAdmin — 0
Aizawl | August 15, 2025: Vawiin khan Aizawl Lammualah India ramin zalenna a hmuh champha vawi 79-na lawm a ni a. Khuallian Chief Minister Lalduhoma'n Hnam Puanzar pawt pharhin Parade Contingent te chibai bukna a chhanglet.


Thusawiin khuallian chuan, zalenna sualtu, ram hruaitu hmasa leh sipai te, ram tana nunna hlantute zahna chibai a buk a. Ram zalenna humhim tur leh ramin hma a sawn zel theih nana beitu, Prime Minister Pu Narendra Modi leh a thawhpuite kut tichak tur te, ram tana rinawm tur leh inpumkhatna vawng tha tur te, state ralmuang ber kan nihna vawng nung zel turin mipuite a sawm.

Independence Day hi Chief Minister-ten kum khat chhunga sorkar hmalakna hrang hrang puan chhuahna atan an hmang thin a. Chutiang lam chu sawi tur tam tak awm mahse, kuminah hi chuan tun hma lama la tih ngai loh “Kalphung thar” policy hnuaia hmalakna thar kan neih te rawn tarlan ka tum thung a. Ka thusawi tur pawh hi keimah ngeiin ka buatsaih a, kan thupui pawh – ‘Kalphung Thar, Mipui Sorkar’ tih a ni, a ti.

Lalduhoma hian, eirukna do dan kalphung tha zawk sorkarin a siam thu sawiin, CBI hnenah General Consent pek a ni a, Right to Public Services Act hnuaiah service tam zawk dah belh a ni a, sorkar bungruate chhinchhiah fel vek niin, sorkar hnathawkte hunbi chu khauh zawka vil a ni a, mipuiten an lungawilohna an thlenna tur “Mipui Aw” tha zawk siam thar a ni. Laina induhsakna tih bo nan Integrity Pact siam niin, sorkar hnathawh tinreng viltu tur Project Monitoring Committee din a ni, a ti. Lok Ayukta thuam chak a ni a, Minister leh an department enkawlte chu a indawtin Review Meeting neihpui a ni. Hmasawnna hnathawh tinrengte chu online hmanga vil theiha duan a ni a, awlsam zawka mipuiten sorkar an dawr zung zung theihna tur internet service portal thar tam tak kan siam tawh a, sorkar file chak zawka a kal theih nan Secretariat-ah e-office kalpui a ni tawh bawk.

Project kalphung pawh kan tidanglam a, Department ten project an buaipui mekte inhre tawn lo va an kalpui kan rem ti lo va, Project Proposal zawng zawng chu Planning Department kaltlanga thehluh zel tawh ni se kan ti a. Hei hian hmasawnna inkhairual zawk leh hmalakna inthuah (duplicacy) awm tur a veng ang. Project thenkhat, thawh zawh a nih hnua a enkawl zuina tur awm tawh lo, hman tangkai zui reng reng loh tur chi a awm kan remti tawh lo va, a enkawl zuina dan fel tak (SOP) nei lo project chu pawm kan tum tawh lo. Tin, CSR fund hmangin hmasawnna hna lian tak tak a thawh theih avangin, CSR tam zawk kan hip luh theih nan CM Office-ah CSR Cell kan din a, khawvel hmun hrang hranga Zofate be pawpa, a tul anga huikhawmtu tur Mizo Diaspora Cell kan din bawk. Kan inhriattawnna tur Mizo DiasporaHub portal pawh siam a ni.

Sorkar sum leh pai enkawl thuah pawh hmasawnna duhawm tak tak a thlen thu sawiin, k-deposit sum hi Rs. 1773 Cr. pek chhuah a ni tawh a, sorkar sum mimal Bank Account-a dah khap a ni a, pension fund Rs. 1781 Cr pek chhuah a ni tawh a, GPF Rs. 1400 Cr. chuang pek chhuah a ni a, electric bill ba zawng zawng pek tlak a nih hnuah, bill pek that lawmman hi Rs. 408 lakh kan dawng tawh a, Power trading atanga sorkarin a hlep pawh Rs. 61 Cr. a chuang tawh a ni, a ti.

Chief Minister hian, 15th Finance Commission hun tawp dawn tawh takah kan awm avangin hmasawnna hnathawh hmanhmawhthlak bik, SASCI angah te chuan restricted tender an phalsak thu a tarlang a. Hunbi tiam a tlem tawh vang a ni ber, a ti.

Heng bakah hian sorkar kalphung thar leh hmasawnna langsar te, Bana Kaih Scheme hmanga hmalak tawh chin tlangpuite a tarlang bawk.

[Khuallian thusawi hi I&PR website-ah chhiar theiha dah chhuah a ni a. A thusawi hi data thar ber ber behchhan a nih avangin mipui hnena a ziak sem chhuah nen khan data a danglam hlek hlek thei tih kan inhriattir e]

https://dipr.mizoram.gov.in/post/79th-independence-day-2025-khuallian-chief-minister-pu-lalduhoma-thusawi-a-hmun-aizawl-sipai-lammual-a-hun-15th-august-2025-900-am

Chief Minister hian lawmman chi hrang hrang semna a nei bawk.

Lawmman dawngtute chu:

SEQUENCE OF PRIZE DISTRIBUTION IN CEREMONIAL FUNCTION OF INDEPENDENCE DAY 2025.  

1. PRESIDENT’S POLICE MEDAL FOR DISTINGUISHED SERVICE (Republic Day, 2025):

Pu Zosangliana, MPS, Director, F&ES, Present Posting Secretary, Transport Department.
 

2. MEDAL FOR MERITORIOUS SERVICE (Republic Day, 2025):

Pu David Lalthangliana Hmar, Superintendent of Police, Kolasib DEF
ii)                 Pu Joseph Lalremmawia, Asst. Commandant, 1st Bn. MAP
Pu Zoramsanga, Inspector, Mamit DEF
iv)               Pu Vanlalhruaia, Driver Special Grade, Fire & Emergency Services 
3. GOVERNOR’S GOLD MEDAL :

Sub-Inspector (AB) K. Lalhmachhuana, 3rd Bn. MAP, Aizawl
C/15883 Lalruatkima, 1st Bn. MAP, Aizawl
iii)               C/16388 Lalchungnunga, 5th IR Bn., Aizawl
Sub-Inspector Jason Lalrinchhana, Anti-Narcotic Squad, Commissionerate of Excise & Narcotics, Aizawl
4. GOVERNOR’S SILVER MEDAL :

Sub-Inspector (M) Martha Lalthanpari, 1st Bn. MAP, Aizawl
Sub-Inspector Lalremsanga Sailo, Aizawl DEF
iii)               Sub-Inspector Lalduhzuala, CID (SB), Aizawl
C/588 Ngurthanpuii, Anti-Narcotic Squad, Commissionerate of Excise & Narcotics, Aizawl
5. CHIEF MINISTER AWARD FOR EXECELLENCE IN PUBLIC ADMINISTRATION :

i) Individual Category      -         Dr. Robert L. Khawlhring, State Nodal Officer, NMHP, H&FW Deptt.
Topic :        “Advancing Mental Health Awareness and Disability Assessment Standards”
ii) Team Category             -         Pu H. Lalengmawia, IAS, Pu NC Saravanan, IFS, Pu MZ Singson, IFS, Environment Forest & Climate Change Deptt. Topic :        “Holistic Approach in Obtaining Forest Clearance and Revival of
Stalled Public Utility Projects”

iii) Organisation Category -        Mizoram Remote Sensing Application Centre (MIRSAC).
Topic :        “Space based Support for Integrated Development of Horticulture in NER, Mizoram SSIDH”.

 

6. CHIEF MINISTER’S BANA KAIH INNOVATION CHALLENGE, 2025 :

i) Higher Educational Institute Category for Hardware Innovation

1st Prize : Pu B. Lalhruaitluanga - Invention :“Small LED Display for Public Carrier System

ii) Higher Educational Institute Category for Software Innovation 1st Prize : Pu Lalhlimawma - Innovation : “E-Commerce

Open Category for Hardware Innovation
1st Prize: HV Lalzuimawia - Invention :“ Bamboo Flattening Machine”
iii) Open Category for Software Innovation

1st Prize: Rodinpuia -   Invention : “ Automation System”


7. STATE AWARDS TO TEACHERS, 2025
HC Vanlalhriata, Headmaster, Govt. Primary School, Tarpho, Hnahthial District
R. Vanlalhluna, Headmaster, Govt. M/S Chhingchhip, Serchhip District.
Lalrinsangi Chawngthu, Headmaster, Govt. Ch. Chhunga H/S, Aizawl District
Lalrinkima, Principal, Mizoram Institute of Comprehensive Education (MICE), Aizawl District
 

8. PARADE COMMANDERS:
Commander: Alex Hmingthanmawia, Dy. SP(Proby), Aizawl DEF
2nd Commander: Hmingthansanga, Dy. SP(Proby), Aizawl DEF
Parade zinga titha, lawmman late chu a hnuaia tarlente hi an ni:

9. ARMED CONTINGENT CATEGORY
1-na: Mizoram Home Guards & Civil Defence
2-na: 34 Assam Rifles
3-na: 10 Bn Tripura State Rifles

10. UNARMED CONTINGENT CATEGORY
1-na: Ferrando School Scouts & Guides, Zemabawk
2-na: St. Francis of Assisi School Scouts & Guides
3-na: Govt. Chanmari Model Middle School Scouts & Guides

11. SCHOOL CONTINGENT CATEGORY
1-na: Tuikual South High School
2-na: Mount Carmel School
3-na: St. Paul's Higher Secondary School

Band party-te zingah erawh intihsiakna a awm lo a. Vawiina rimawi rem, band party-te chu a hnuaia mite hi an ni.
1st Bn MAP Brass Band
3rd Bn MAP Pipe Band
20 Mizoram Bn, Govt. Mizo High School NCC Pipe Band


















Tags:

Post a Comment

He post chungchanga i ngaihdan lo sawi ve rawh:

إرسال تعليق

He post chungchanga i ngaihdan lo sawi ve rawh:

أحدث أقدم