Aizawl | June 25, 2024: Mizo sports chanchina chhinchhiah tlak ni turin Lalrina Renthlei chuan vawiin chhun dar 12 khan Maldives Open 2024 - 10 Ball Pool Championship khelin a inlan ta!
Lalrina Renthlei a match hmasa berah hian vanduaiin, 0 - 8 in a khelhpui Kazakis hi a hneh lo a ni.
Lalrina Renthleiin a hmachhawn hi Poolah chuan World top player zing a mi, World No 1 (2018) leh European Champion lo ni tawh Greece Pachal Alexander Kazakis a ni.
Maldives Open 2024 hi double elimination hmanga khelh niin, Lalrina hian hun tha a la nei a, vawiin tlai dar 4, india sanaa dar 4:30 hian match a nei leh nghal dawn a, David Hayman (Czech Republic) a hmachhawn leh dawn a ni.
An khelhna hmun hi National Billiard Centre, G Youth Activity Centre, Miuzikee Hingun, Male', Maldives a ni.
Mizoram Snooker & Billiards Association (MSBA) player Lalrina Renthlei hi MSBA President leh Billiard and Snooker Federation of India Vice President Vanlalnghaka'n a ṭawiawm a ni.
India ram atangin player panga; National 10 Ball Pool Champion lai Shivam Arora - Maharashtra, National 10 Ball Pool Bronze Medalist Lalrina Renthlei – Mizoram, National 10 Ball Pool Quarterfinalist Kushal C - Karnataka, Chetan Chhapra - Hyderabad leh Laksh Sharma - Karnataka te an tel a ni.
Maldives Open 2024-ah hian khawvel huapa Pool khel thiam tak tak an inlan dawn a. Heng mi thiam tak takte hi Mizo tlangval hian a hmachhawn dawn a ni.
Maldives Pool Billiards Association (MPBA) buatsaih Maldives Open 2024 hi June 25 - 30 chhunga khelh tur a ni a. Maldives Open 2024 hi a theuneu lo hle a, lawmman pawh $ 1,30,000 a ni hem mai. Maldives Open 2023-ah khan Ko Ping Chung (Chinese Taipei) chu a lo champion tawh a ni.
Maldives Open 2024-ah hian World Top players tel an awm nual a, a langsar zualte chu; World No. 1 nilai Fedor Gorst - USA, Maldives Open 2023 Champion Ko Ping Chung - Chinese Taipei, tum thum world Champion lo ni tawh Thorsten Hohmann - Germany te an ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: