Aizawl | April 18, 2023: Mizo zinga Supreme Court a AOR (Advocate-On-Record) hmasa ber ni turin tuna Supreme Court a practice mek JC Lalnunsanga chu a in ziak tling. Supreme Court ah hian AOR kaltlang lovin eng case mah putluh leh sawi theih a ni lo a. AOR ziak thei tur hian Supreme Court ah kum 4 practice a, Senior AOR hnuaiah kum 1 training chhuah leh a ngai.
JC Lalnunsanga hian kum 2008 khan Mysore University hnuaiah BAL, LLB a zo a. Mumbaia Corporate Firm a hathawh pahin LLM (Corporate Law) kum 2010 khan a zo leh a. Vairam Ieh Supreme Court a rei vak lo a practice hnuin Mizoram-ah a practice chhunzawm a. Kum 2020 atang khan Supreme Court lamah practice chhunzawm lehin a nupui fanau te nen a fate zirna tha zawk beiseiin an chhungkua in Delhi lamah hian an inbengbel chho a. Mizoram lama Law Firm a neih tho avangin Delhi, Guwahati leh Aizawl hi a kar tawn reng thin.
JC Lalnunsanga hian Mizorama case pawimawh leh lian tak takah a lo ding tawh a. Burma mi tih avanga Saikhumphai khaw hnawhchhuah turah hnehna changin a hming a rawn chher chho a. Chakma leh Mizo MBBS seat an inchuhna case a Mizoram zirlai ten Central leh NEC Quota MBBS seat tha tha 45 an chan mai tur-ah Mizoram sawrkar in ruaiin Gauhati Principal Bench ah hnehna a chanpui leh a. Covid laia chhim mipuite tana RT-PCR Laboratory an neih theih nana thahnem ngai taka Delhi tang atanga PIL file a, hnehna chanpuitu a ni.
Social Welfare Dept leh Education Dept, SSA/RMSA Standing Counsel a ni reng thin a. Tuna hian ama private case avanga Mizoram lama ding reng thovin Mizoram Public Service Commission (MPSC) Standing Counsel leh Lok Ayukta Special Public Prosecutor a ni mek.
JC Lalnunsanga hi MZP General headquarters, Aizawl-ah hun rei tak Legal Adviser a lo ni tawh a, a ni mek bawk a ni.
- Lunglei Chanchinthar
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: