Lunglei | Feb 28, 2023: Ni hnih leh Zan khat chama Lunglei lo zin Hon’ble Minister of State for Tribal Affairs Smt Renuka Singh Saruta chuan vawiin khan Lunglei khawpui chhunga sawrkar hmunhma thenkhat – Vocational Training Centre, Chanmari; Civil Hospital Lunglei Chanmari; leh Eklavya Model Residential School, Pukpui te a tlawh a. Heng hmunah te hian an hmalakna kal mekte, ruhrel leh khawl an mamawhte leh thawktu chungchanga mamawhte chicpchiar takin a sawipui a ni.
Minister hi Pu Madhup Vyas, Secretary, Social Welfare & Tribal Affairs, Government of Mizoram, Pi Zodingpuii, Director, Women & Child Development, Social Welfare & Tribal Affairs Department, Pi Ramdinliani, Deputy Commissioner, Lunglei, Pu Rahul Alwal, Superintendent of Police, Lunglei leh official dangten an tawiawm a ni.
Vocational Training Centre (VTC), Chanmari ah hian Garment making, Beauty & Wellness, Electrician leh Hotel Management ah te training pek thin niin tun dinhmunah zirlai 75 an awm mek a. He Centre hi mi inluah a kalpui mek niin anmahni building ngei an mamawh em em thu Minister hnenah anlo thlen a ni.
Civil Hospital Lunglei Chanmari ah hian Minister hian Pediatric ICU thar, Maternity Ward, Blood Bank leh hmunhma dangte a tlawh a, H&FW hotute hian Advance Life Support ambulance leh Lunglei District western belt lama hman tur lawng (boat) an mamawh thu anlo thlen a ni.
Eklavya Model Residential School (EMRS), Pukpui ah hian Principal Pu Lalnghinglova leh zirtirtu leh zirlaiten anlo dawngsawng a, school hmunhma hrang hrangte leh mamawhte an en ho a. EMRS, Pukpui hi Centre of Excellence for Sports a hlangkai tura hmalak pui an duh thu Minister hnenah hian anlo thlen a ni. EMRS hi Ministry of Tribal Affairs hnuaia hmalakna pawimawh niin EMRS Pukpui hi 2008 ah din niin CBSE affiliate a ni a, tun dinhmunah zirlai 270 leh regular teacher 18 an awm mek a, class 6 atanga class XII thleng zirna awmin Arts leh Science stream an nei mek a ni.
Hon’ble Minister of State Pi Renuka Singh Saruta hiana hnena an mamawh thlen te a tul anga lo bawhzui sak a tum thu sawiin Social Welfare & Tribal Affairs, Government of Mizoram hotute chu a tul ang lo ngaihven pui a, Ministry a lo thlen sak turin a hriattir a ni.
Minister leh amah zuitute hian vawiin vek khan Theiriat Tlang, Lunglei an tlawh a, chawhnu khan Lunglei chhuahsanin Lengpui Airport-ah SWD Minister Er Lalrinawma nen an inhmu a ni.
(Khawngaihin, i lo share darh ve ngei dawn nia aw!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: