Kolasib-ah ruihhlo dona sawt zawka kalpui a nih theih nan dan hnuaia hmalak dan inzirtir

Kolasib | Feb 21, 2023: Vawiin khan DC Conference Hall, Kolasibah ruihhlo dona sawt zawk a kalpui a nih theih nan dan hnuai a hmalak dan inzirtirna, Legal Awareness neih a ni a. Pu John LT Sanga, Deputy Commissioner chuan hun kaihruaiin Pi Julie Lalrinzami, Judge, Fast Track Court, Pi Cacy Malsawmtluangi Ralte, Chief Judicial Magistrate-ten ruihhlo do kawng a dan hriattur pawimawh hrang hrang sawi zauna hun an hmang a. Kumpuan Committee, Sub-Headquartes YMA, Joint Village Council, Bar Association, Advocate, SP Office, Chief Medical Office, District Medical Superintendent, Excise department, District Jail-a hotute leh Official dangte an tel a ni.


Ruihhlo chu ram leh hnam hmelma a nih angin a do rem hna kalpuinaah tlawmngai pawl leh sawrkar office hrang hrangte tanrual a pawimawh thu Pu John LT Sanga chuan sawiin ruihhlo dona kawng a thawktute thawhrimna chuan awmze thui zawk a neih theih nan ruihhlo zuartute leh an thil zawrh man, dapchhuah leh hremna kawng a dan pawimawh tak takte chu hmelhriat thar a tul thu a sawi.

Pi Julie Lalrinzami, Judge, Fast Track Court chuan Kolasibah ruihhlo leh a kaihhnawih ah thubuai chinfel tur 42 a awm mek thu sawiin ruihhlo vang a Court-a rawn inlan te chu a neitu tak an nih loh tlangpui thin thu a sawi a. Dan chu khawtlang thatna tur a ruihhlo do a tlawmngai a kalchhuak thin te kut phuarna ni loin heng hmalaknate sawt zawk a kalpui a nih theih nana hmanraw tangkai hman tur a nih thu a sawi a. Dan hriat loh avanga heng thawhrimna leh hmalaknate hian a nih dan tur anga awmzia a neih thin loh thu tarlangin Dan hriat lohna chu hremna pumpelh nan chhuanlam a tlin loh thu a sawi bawk a ni.

Pi Cacy Malsawmtluangi Ralte, CJM chuan Court hnathawh zing a pawimawh ber chu mihring dikna chanvo humhalh sak a nih thu a sawi a, ruihhlo dona kawng a hmalakna kalpuina kawngah heng dikna chanvo te hi ngaih pawimawh tel thin a tul thu a sawi.

Vawiin thutkhawmnaah hian ruihhlo dona kawng a tlawmngai pawl a che chhuak thinte hriattur hrang hrang sawi ho a ni a, dan bawhchhetute man tur a sawrkarin thuneihna a pekte mawhphurna tarlan niin NGO-te tan Legal Adviser neih a pawimawh thu sawi a ni bawk.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post