Aizawl | Feb 3, 2023: Gov’t Hrangbana College Students’ Union leader te chuan vawiin khan thuchhuah siamin, an college zirtirtu hmun ruak chu hnawhkhah sak turin sawrkar an phut a. Heng an thil phut hi karleh thawhtanni 6th February, 2023 ral hma ngei a chhanna an hmu lo anih chuan tiam chin awm lo a lungawi lohna lantir an tum a ni.
Gov’t Hrangbana College Students’ Union leaders te chuan College faculty regularization chungchangah vawi eng emaw zat sawrkar thuneitute an hmu tawh a, an mamawh chhanna leh inbiakna hlawhtling vawiin ni thleng a an hmu lo chu lungawi har an tih thu thuchhuah siamin an tarlang.
HBC SU thuchhuahin a tarlan danin, Gov’t Hrangbana College-ah hian zirlai 2234 awmin zirtirtu 68 an awm a, Asst. Professor (Contract) Regularization (Dated Aizawl, the 27th Jan, 2023 - No.A.41017/1/2023-HTE(Reg.) avangin zirtirtu 6 sawn chhuah tur a tih an ni a, post ruak hnawhkhat turin zirtirtu 3 chiah rawn dah tura tih a ni.
Tun dinhmunah hian Subject then khatah February thla a Professor Superannuation Pension tur pahnih an awm a, kuminah hian Professor pension tur eng emaw zat an awm bawk a ni.
HBC SU chuan, Dated 2nd February, 2023, No. B. 11013/1/2016-DTE (HTE), Higher and Technical-in College hrang hrangte dilna chungchanga an thu chhuah hi thu tlingah an ngai lova, sawn an nih hmaa college tin te mamawh mumal taka enfiahna (Inspection) sawrkarin a neilo hi a pawi an tih takzet thu sawiin, An college-in hnathawktu a mamawh dan zirchiang hmasa lo leh posting thar te hmun ruak awh tur replacement hi a rang lama min hnawhkhah sak turin sawrkar an phut a ni.
Heng an thil phut hi karleh thawhtanni 6th February, 2023 ral hma ngei a chhanna an hmu lo anih chuan tiam chin awm lo a lungawi lohna lantir an tum a ni.
"Mizoram sawrkar hnuaia college zirlai tam berah hian class lak hleih theihloh khawpin Professor kan indaih lo hle lai a ngaihsak kan hlawh lo hi a pawi kan ti takzet a ni." tiin thuchhuah an tarlang bawk.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: