Ticker

10/recent/ticker-posts

MP(L.S) PU C.LALROSANGA'N LUNGALHTHEI DAP MUMAL LOH CHHAN COAL MINISTRY A ZAWT

Aizawl 23rd February, 2022 : Nimin February ni 22 leh vawiin ni 23 a Parliamentary Standing Committee on Coal, Steel and Mines New Delhi-a meeting neihah member,  Pu C Lalrosanga MP (LS) chuan  hmarchhak biala lungalhthei dap hnathawh a mumal lo chu lawmawm lo a tih thu a sawi chhuak a. Tlangram chhengchhia leh ramngawte kaltlanga relkawng leh motor kawngpuite pawh siam mek a nih theih laia harsatna hrang hrang avanga hetiang hna thawh  a harsa anga sawi hi a awihawm lo a ni, a ti  a. Mizoram tiamin  hmarchhak biala he hna thawhna atana tun kum thum kalta chhunga sum ruahman leh senso a tlem tual tual chu lungawithlak loh a tih thu sawiin Pu C. Lalrosanga chuan theihtawpa ṭan la thar turin Coal Ministry hotute chu a ngen a ni. 




Parliamentary Committee ṭhutkhawmna hi an Chairman Pu Rakesh Singh-an a kaihruai a. India lungalhthei laih chhuah zat chu zaa 10% a pungin nakumah chuan ton maktaduai 885 zet tling thei tur leh, kum 2030 ah chuan ramin a mamawh aia tam ton maktaduai 1511 lai a tlin rin a nih thu Committee ah hian tarlan a ni a. Electric siam nana ramdang aṭanga lungalhthei lakluh a ngai lo thuai dawn a ni tih tarlan a ni bawk.
Post i hmuh dan

Post a Comment

0 Comments