Aizawl bawrhsap-in AMC pawna sikul thenkhat hawn phalna tichhuak

Aizawl | August 13, 2021: Aizawl bawrhsap chuan Partial lockdown kalpui mekah AMC pawna hri kai awm lohna hmuna sikul thenkhat hawn phalna a tichhuak.

Mizoram Sawrkarin Partial Lockdown guidelines tihchhuah Order No.B.13021/101/2020-DMR/Vol-V Para B.2 dated 07.08.21 leh Deputy Commissioner Office-in Aizawl District chhunga inkaihhruaina a tihchhuah order No. C.16011/ 298/2020-DC(A) dated 07.08.21-in a sawi angin vawiin khan Aizawl DC chuan Aizawl District huamchhunga school thenkhat hawn phalna thupek a tichhuak.

Heng school hawn phalna tihchhuahte bakah hian AMC area pawna CoVID-19 case nei lo khuaah te school hawn phal a ni a, amaherawhchu chung khuaah te chuan school hawn chungchang hi VLTF leh School Management Committee (SMC) meeting in a rel thin tur a ni. School kal tha an tih chuan meeting minute copy thil telin DEO/SDEO hnenah report an pe thin tur a ni a, heng report hi DEO/SDEO-in District Administration-ah an hriattir thin ang. School kal dan tur/kal ni tur chu VLTF leh SMC ten ruahmanna an siam ang.

Heng a hnuaia school tarlante hi “SOP on Reopening of Schools” zawmin hawn phal sak an ni.

1. Chawilung High School (Pvt), Chawilung

2. Govt. NM H/S, Kepran

3. Govt. Sawleng High School, Sawleng

4. Govt. Zoram H/S, Khawruhlian

5. Thingsul Tlangnuam H/S (GIA), Sailam

6. Bengkhuaia H/S (GIA), Sailam

7. Govt. Darlung H/S, Darlung

8. Govt. Sumsuih H/S, Sumsuih

9. Darlawn H/S-II,  Darlawn

10. Darlawn HSS, Darlawn

11. Ailawng H/S (Lumpsum), Ailawng

12. Govt. Sialsuk H/S, Sialsuk

13. Lungsum H/S, Lungsum

14. East Phaileng HSS (Samagra), East Phaileng

15. Govt. Lungleng H/S, Lungleng

16. Sialsuk HSS (Samagra), Sialsuk

17. Sailutar SS (Samagra), Sailutar

18. West Serzawl H/S (Pvt), West Serzawl

19. Govt. Kanghmun H/S, Kanghmun

20. PES Ratu (Pvt), Ratu

21. Sunhluchhip SS (Samagra), Sunhluchhip

22. PES Khawruhlian (Pvt), Khawruhlian

23. Bawngthah H/S (Pvt), Bawngthah

24. Govt. East Phaileng H/S, East Phaileng

25. Govt. Samlukhai H/S, Samlukhai

26. Govt. Ratu H/S, Ratu

27. Lengpui HSS, Lengpui