Ramri-ah Assam Police an lo kal nawn; Ramri-ah mipui an che leh?


Vairengte | June 29, 2021: Vawiin Dt.29.6.2021 zing lam khan Assam police/Forester te chu Aitlang hnar lam a an lo kalna ngai ah bawk an lo kal nawn leh ni a thu dawn a ni. Assam police hi thahnem tak lo kalin Assam lam hian Dolakhal boundary vel enfiah tur an lo kal thu leh Mizoram chhûng ni si ah Assam Police te hian inkulh an tum ni a thu dawn a ni a,khuva phun tihchhiat a awm nual ni a thu dawn a ni. Hei hi hriat anih ve leh khawchung mi tlawmngai thenkhat kal nghalin SDO (C) Pu Isaac-a hovin IR mi engemawzat an kal ve nghal a, . Sorkar thuneitu ten in biakna neiin Assam police hi an lo thlen belh zel avangin vaitengte mipui pawh an hmunah an kal belh ve zel a, he thu buatsaih lai thleng hian ramri ah an la awm khâwm a, an thuthlukna tak hriat ala ni lo a ni.




8:00PM
ASSAM POLICE LAKAH MIZORAM SORKAR A HNUNG TAWLH?
Vawiin Dt.29.6.2021 a Hailankandi SP Ramandeep Kaur IPS, hova Assam police mi 200 vel zet lo kal te chu haw tur angin in sawi mahse zanin dar 7:00 thleng khan la awmin an ram ni a an hriatna hmun leh  vawiin a thlam leh thlai an tihchhiatna hmun Pu Chhandama, Field veng, Vairengte ramah Mizoram sorkar thuneitu phalna angin  riah bûk an sual a ni. Assam police te hi vawiin tlai lam khan Pu Chhandama, Fieldveng thlam an tih chhiat bulah inkulh tumin hei hi vairengte mi awm ten phal lovin Assam police ho hian ram hnuai atanga leh luhin Pu Chhandama huan an hian in kulh an tum a. Zanin dar 7:30 vel khan an SP ho hian lo thawk lehin mipui hi chaw ei an haw lai anih avang in  a dangtu mi tlem te chu paltlang luiin Mizoram sorkar thuneitute remtihna in Pu chhandama huan ah hian in kulh tûrin awm hmun an siam a ni. Hetianga an rawn kal luih avâng leh Mizoram sorkar aiawh ten an rem tih avang hian Vairengte mi la awm te chu an tawlh ve ta a, amaherawhchu chu luah zui tir rei an tum lo thu an sawi ve bawk a ni. Helai hmunah hian Kolasib Addl DC hovin IR sipai platoon khat (20 vel lek) pawh tling lo an awm laiin Assam lam hi Hailankandi SP hovin Company hnih vel an lo kal thung a, he lai ram hi luah ngei an tum angin zanin khan an luah lui ta a ni. Hetihrual hian Vairengte Joint VC te chuan thuchhuah siamin zanin hian helai ramri ah hian Mizoram Police te ruah bûk sak hnatlang neih tur in vairengte thalai/mipui atâm thei ang ber he lai hmunah hian kalkhawm tûrin an ti a. Thalai thenkhat chu kal nghalin an kal belh mek zel a, zanin hian IR duty na tur hi sak an tum a ni.

- Rengkhawpui News


*JIONT VILLAGE COUNCIL TLANGAU*

Aitlang tlâk lam ram Pu Lalramhluna huan, Dolchhora kawngah, zanin hian thalai a thei a piangte kan sipai te riahbuk sa turin hnatlang koh ani a, hnatlang thawkchhuak tur te chu zanriah eikhamah kal tur a ni a,  hmanrua pawimawh tur ang te ken theuh tur a ni.Torch Light emergency light leh tui in tur, inhnawhpuar theihna ken hram ni bawk se. 
 
  Thalai atam thei ang ber thawkchhuak turin kan inngen e. 
    

             Sd/-
         Secretary
Joint Village Council
        Vairengte





Post a Comment

0 Comments