Aizawl | May 18, 2020: Mamit District chhunga Covid-19 vanga tangkhang lo hawte vawiin thleng khan mi 105 khunghran mek an niin tiin exploremizoram.com chuan thu a dawng.
Sawrkar thuchhuahin a tarlan dain, Sawrkar Centre hrang hranga khunghrante hi Sawrkar hriatpuina-a India ram hmun hrang hrang Tripura, Assam leh Tamil Nadu atanga hruai haw te niin SSA Boys Hostel, Mamit -ah mi 18 awm mekin Tourist Lodge, Mamit-ah mi 31 an awm mek a. Polytechnic, Mamit-ah mi 20 awmin, Govt Girls Hostel, Kawrthah-ah mi 12, BDO Rest House Zawlnuamah mi 7 bakah Govt High School-ah mi 17 an awm mek a ni.
Khunghrante hi mipa 69 leh Hmeichhia 36, an vaiin mi 105 an ni.
Vawiin khan SSA Boys Hostel a awm mi 2 te chu Ni 14 an awm tlin tawh bakah anmahni-ah Covid-19 rinhlelhna tur an awm loh avangin chhuahtir an ni bawk.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
إرسال تعليق
He post chungchanga i ngaihdan lo sawi ve rawh: