Aizawl | November 3, 2019: Mizo Zaithiam May-i tia hriat lar May Lalbiaknungi chu kum 25 mi niin vawiin khan hun rei tak dam lohna in a tlakbuak hnuah a boral.
May Lalbiaknungi hi MZI leh LPS ṭangkawpin MZI On Stage an buatsaih aṭanga mipui hriata lo lar a ni a. R Vanlalhruaia fanu niin Chaltlang Aizawl a khawsa an ni.
Hun rei tak Septicemia vanga a inenkawl hnuah tukin dar 9 vel khan a boral ta a ni.
May hi zanin hian lumen a ni ang a, nak-chhun dar 12 khian vui a ni ang.
Hmachhawp leh Music video buaipui mek a nei bawk nia hriat a ni.
May-i thihna-ah hian Zaithiam tam tak an tawng chhuak a, chung zingah chuan tunhnaia Music Video a siampui G'Nie chuan hetiang hian instagram lamah post a siam, 'May.. Bawihi, I dam hun a kan tih dun tur tam tak ka lo ngaihtuah laiin, beiseina nen ka duat dan tur che te ka lo suangtuah laiin, hmachhawp tam tak kan la nei chungin min liam san ta maw. Tih sak chak che tam tak ka la neih laiin tunah chuan I tan hian tah chiah maw ka tih theih tak. A va na tehlul em. Thihna hian ka lung a ti chhe khat tawh viau asin. Tun tum zet chu ka va tap hnem em. Kan thinlung in hnaih zia leh kan inkungkaihna thuk zia hi midangin an hre lo.. Mahse I hre tal alawm tiraw.. Lo chawl rawh. Keipawh ka hnuk a chah ve hma chu Huaisen takin ka ding anga beiseina in ka lo khat ang, I duh ang ngeiin. My heart is bleeding as Im writing this.. @may_mizo I love you so much..😭' tiin.
Post a Comment
He post chungchanga i ngaihdan lo sawi ve rawh: