Aizawl | May 16, 2019: Central Young Mizo Association buatsaihin May 16, 2019 zan dar 7:00pm khan Central YMA Hall, Aizawl-ah Sik leh Sa Inthlak danglamna chungchang inzirtirna hun hman a ni.
He hunah hian Aizawl khawpui chhung YMA Branch aiawh mi pahnih leh CEC member ten he hun hi an hmang.
He inkhawm hi Pu Lalhmangaiha Chairman, Science & Environment Committee in a kaihruai a, Central YMA Gen Secy Lalhmachhuana hnen atangin thusawi ngaihthlak a nih hnu ah, Resource person Prof. Lalnun tluanga hnen aṭangin sik leh sa inthlak danglam chungchanga inzirtirna an ngaithla .
Khawvel ram hrang hrang sik leh sa inthlak danglamna in harsatna a thlen ramin harsatna kan tawh mek chungchang sawilangin, he mi chungchanga Mizo leh Mizoram mipuiin chona hmachhawn tura kan inbuatsaih tul tawh zia te sawilan a ni bawk.
He Awareness hi Environment, Forest & Climate Change Department, Mizoram bultuma buatsaih a ni a. District headquarter hrang hrangah buatsaih ni tawhin buatsaih mek zel a ni.
- Inputs from Christopher Renthlei and Photo by him.
Post a Comment
He post chungchanga i ngaihdan lo sawi ve rawh: