RUAH LEH THLI VANGA CHHIATNA THLENG HRANG HRANGTE

Aizawl | March 31, 2019: Zobawk S Bial KNP (Kristian Naupang Pawl) Inkhawmpui, BCM Zobawk Venglai Biak in ah neih mekah Zanin thli leh ruah vang khan Biak in bang hnung lam, Pulpit zawn bricks a chim thla a, Pulpita awm mek Speaker Pu Lalhriatpuia Chawngthu chu delhin hnuchhuah a ngai hial a, mahse, a na lutuk lo nia thu dawn a ni.

Pu Mahriata hi Bethsy Lalrinsangi Pasal a ni.

 Mi dang na erawh an awm lo.

Naupang chiai ṭap thawm nen an buai hle nia hriat a ni a. Chanchin ziah lai hi chuan naupang pawh an haw kim tawh niin thu kan dawng.

° Tlabung Zodin bial, Kulbarovasola kohhranin Lalpa zanriah sakramen an kil laiin an biak in chung thliin a la.

° Mualṭhuam 'N'-ah, Lunglei Dist. PYD Conference hman mek a niin, chutih laiin, thli leh rial nen a bei mek. Ruah sur hma lawk, zanin dar 8:00 vela thli thaw khan, Mualṭhuam 'N' Playground-a, Lunglei Dist. PYD (NEI) Conference inkhawmpui pandal a chhem awnin, inkhawm programme hi kalpui hleih theih a ni ta lo. Khawmpuia kal palaite an khawngaihthlak hle mai.

° Pu Zothankima of Bilkhawthlir Dawrveng chu nichin ruahsur leh thli tleh khan Kualmawi ICDS bul zawn thing tlu in an nupain auto a an tlan lai chu a delh a. Damdawiin ah buaipui mek. An nu erawh a tha a, Pu Zothankima erawh chu Kolasib damdawi in panpui a ngai mai thei.   

° Chhippui Kawnmawi vengah in pahnih a tlu chhia.

° Lunglei - Aizawl  kawng, Sialsuk leh Chamring inkar ah thing lian tak a tluk vang in eng lirthei mah kal tlang theih a ni lo. Lunglei to Aizawl kal tum tan khaw hnai ber ah riahna zawn mai a tha a nge.

° Siaha ah Pu Makho in, Meisatla, ITI Road ami chu thliin a chhem tlu.

(Chhiatna thleng kan hriat theih chin kan dah a, update zel tum a ni e.)