Aizawl | March 21, 2019: Falkland Mandir peng a B.R.T.F vai in Mizo Taxi driver chu a lu ah a vawthlu a, mipui thinrim pungkhawmin a duty na an hâl sak niin thudawn a ni.
Taxi driver hi Rawntea nia hriat niin, tunah hian ni khaw hre lovin Greenwood Hospital damdawiin ah a awm mek niin thulakna hian a tarlang bawk.
Thil thlen dan kan thu laknain a sawi danin, Pushpak school bula Falkland taxi, Pu Rawna leh a ṭhianpa Sangpuia tlan thla lai chu sipai camp aṭanga lo chhuak sipai motor chuan rawn su in, Pu Rawna chuan engvanga su nge a nih vín deuh hleka a zawhlaiin, sipai pakhat chuan a tiang kenin a rawn vaw thlu tawp maia, a ṭhianpa Sangpuia'n bawihsawm a tum mek laiin Sangpuia pawh chu a vaw zui leh ta a ni. Pu Rawna te pahnih chu damdawiin lamah dah phei anni a. A hria apiang taxi driver leh Mizo tawh phawt chu inpunkhawmin gate an nawr nghala, Police lamin an ven avangin leh Falkland khawtlang hruaituten an lo dan avangin an paltlang thei rihlo. Sipai lam hi an camp ah an tawmim vek rih a ni.
An chanchin hria a bul vela mipui chu thinrimin an pungkhawm a, Vai sipai lo awmna nia an hriat chu an bei ta mai nia hriat a ni a. Buaina a sosang hle a, mipui an thinrim hle niin thu dawn a ni bawk.
Tin, Mipui thinrim hian Mizoramah ngei Mizo Driver tham lo taka kutthlaktu Vai sipai chu mipui kuta pe turin an nawr nia hriat a ni bawk.
Rawntea hi Greenwood hospitalah a awm mek a, a na viau a. Zan dar 10 thleng khan a la harh lo nia hriat a ni.
(Thu chiang zawk kan ngaichang mek e.)
إرسال تعليق
He post chungchanga i ngaihdan lo sawi ve rawh: